ᑐᓐᓃᑦ
ᐊᒻᒪᓗᑭᑖᖅ ᐊᕙᓗᖓ ᐊᑦᔨᖃᕐᑐᖅ ᐱᕐᖁᓯᑐᖃᑎᒍᑦ ᑐᓐᓂᓕᐅᕐᓯᒪᔪᓂᑦ ᐊᓯᐅᑲᓴᑦᓯᒪᔪᖅ ᖃᓪᓗᓈᓄᑦ. ᑐᑭᓕᐊᑦ ᐊᑐᓂ ᓄᕗᐊᓂᑦ ᓇᓗᓀᒃᑯᓯᕗᑦ ᓯᑕᒪᓂᒃ ᓇᒧᖕᖓᐅᕙᓪᓕᐊᓂᖏᓐᓂᒃ.
Jason Sikoak
ᓄᓕᐊᔪᒻᒧᑦ ᐃᖕᖏᕈᓯᖅ 2026-ᒥ
ᓄᓕᐊᔪᒻᒧᑦ ᐃᖕᖏᕈᓯᖅ 2026-ᒥ
ᓴᓇᐅᒐᖅ
ᑲᓐᓄᔭᐅᔭᖅ ᖁᖏᓯᒻᒥᐅᑕᖅ, ᔦᓴᓐ ᓯᖁᐊᑉ ᓄᓕᐊᔪᒻᒧᑦ ᐃᖕᖏᕈᓯᖓ, ᐃᓕᔭᐅᓯᒪᕗᖅ ᓴᓂᕋᔭᐅᑉ ᑐᓐᖓᕕᖓᓂ ᐊᒻᒪᓗᑭᑖᖅ ᐃᑦᓯᕙᕕᖓᓂ.
ᑲᓐᓄᔭᐅᔭᖅ ᐊᑑᑎᓂᖓ ᑐᑦᑕᕕᐅᔪᖅ ᑲᑎᕝᕕᐅᓱᓂᓗ. ᓇᓗᓀᒃᑯᑕᐅᒻᒥᔪᖅ ᐃᑯᐊᓚᔪᒥᑦ - ᐃᓂᖓ ᐃᕐᖃᐅᒪᓂᕐᒧᑦ, ᐅᓂᒃᑳᑐᐊᓄᑦ, ᐊᒻᒪ ᑲᑎᖕᖓᖃᑎᒌᕐᓂᒧᑦ.
ᖁᖏᓯᒻᒥᐅᑕᖅ ᑕᑯᑦᓴᐅᑎᑦᓯᕗᖅ ᐃᓄᐃᑦ ᓇᓪᓕᐅᓂᕐᓯᐅᕈᑎᖏᓐᓂᒃ ᐅᐱᒋᔭᐅᓇᓱᓪᓗᓂ ᓄᓕᐊᔪᖅ, ᖃᐅᓕᒪᔭᐅᒻᒥᔪᖅ ᓭᑦᓇ-ᐃᓕᑕᕐᓇᑐᖅ ᐊᑎᖓ ᐅᓂᒃᑳᓴᖓᓗ ᐃᓄᐃᑦ ᓄᓇᖓᓂ ᐊᒻᒪᓗ ᐅᑭᐅᕐᑕᕐᑐᓕᒫᒥ.
ᐊᓯᖏᑎᑐᑦ, ᑖᓐᓇ ᑐᓂᓯᕗᖅ ᑐᑭᓯᓇᑦᓯᐊᑐᒥᒃ ᐃᓕᕐᕈᓯᕆᔭᐅᔪᒥᒃ: ᐃᓄᐃᑦ ᐱᑦᓯᐊᖏᒃᑯᑎᒃ ᐃᓕᕐᖁᓯᖃᕐᑎᓗᒋᑦ
ᐃᓄᐃᑦ ᐅᖃᐅᓯᑐᖃᖏᑎᒍᑦ, ᓄᓕᐊᔫᑉ ᓄᔭᖏᑦ ᖃᓄᐃᖕᖏᓯᐊᑎᑦᓯᕗᑦ ᐃᒪᕐᒥᐅᑕᓂᒃ ᐆᒪᔪᓂᒃ. ᓂᖕᖓᐅᒪᓕᕋᒥ ᐃᓄᒻᒧᑦ ᖃᓄᐃᓕᐅᕐᓂᐅᔪᓄᑦ, ᓄᔭᖏᑦ ᓂᕋᕕᓲᖅ, ᐊᔪᕐᓯᑎᑦᓯᕙᑦᓱᓂ ᐃᒪᕐᒥᐅᑕᓂᒃ ᐃᒪᐅᑉ ᐊᑖᓂ ᓂᕿᑦᓴᖃᕈᓐᓀᑎᑦᓯᓗᓂᓗ.
ᐃᑉᐱᒍᓱᑦᓯᐊᓂᕐᒥᒃ ᒪᒥᐊᓐᓂᒥᓪᓗ - ᐊᒻᒪᓗ ᐱᑦᓯᐊᕆᐊᖃᕐᓂᒥᓪᓗ - ᐃᓄᐃᑦ ᐃᖕᖏᖃᑦᑕᐳᑦ, ᕿᓚᐅᑦᔭᐸᓪᓗᑎᒃ, ᐃᓪᓓᔦᕙᓪᓗᑎᒃ, ᓄᔭᖏᓪᓗ ᓄᔭᓕᕐᓱᑕᐅᕙᓪᓗᑎᒃ.
ᓯᖁᐊᖅ ᑕᑯᑦᓴᖁᑎᑦᓯᕗᖅ ᑕᒪᑐᒥᖓ ᖁᕕᐊᓲᑎᖃᕐᓂᐅᔪᒥ ᒫᓐᓇᓕᓴᒃᑯᑦ.
ᓄᓕᐊᔫᑉ ᓄᔭᖏᑦ ᖃᒪᒋᔭᐅᑎᓪᓗᒋᑦ, ᓄᔭᕐᐱᓂᑯᐃᑦ ᖃᓱᔪᑦ, ᓇᓗᓀᕐᓯᔪᖅ ᑲᒪᒋᔭᐅᓂᖓ ᐊᒻᒪᓗ ᓭᒻᒪᐸᓪᓕᐊᓂᖓ ᐱᕙᓪᓕᐊᕗᖅ ᐱᔭᒌᒐᑕᕋᓂᓪᓗ.
ᐃᓂᖃᕐᑎᑕᐅᓗᓂ ᑭᓇᑐᐃᓐᓇᓄᑦ ᐃᑦᓯᕚᕐᓕᐅᕙᑦᑐᒥ, ᓄᓕᐊᔪᒻᒧᑦ ᐃᖕᖏᐅᓯᖅ ᑎᓕᐅᕆᕗᖅ ᐃᓱᒪᒋᔭᖃᕐᓂᒥᒃ ᓵᑕᐅᓕᕈᓐᓇᓂᕐᒥᒃ, ᑕᓯᐅᖃᑎᒌᕐᓂᒥᒃ, ᑲᔪᓯᒪᓂᒥᓪᓗ ᐋᕐᕿᐸᓪᓕᐊᓂᕐᒧᑦ.
ᓇᓗᓀᒃᑯᑕᖅ ᐊᑦᔨᖑᐊᖅ
ᐊᖓᒃᑯᖅ ᓴᓇᐅᒐᖅ
ᓴᓇᐅᒐᖅ ᓄᓕᐊᔫᑉ ᓄᔭᖏᓐᓃᑐᑦ ᑕᑯᑦᓴᐅᑎᑦᓯᕗᑦ ᐊᖓᒃᑯᒥᒃ, ᕿᓚᐅᑦᔭᑐᖅ ᐃᖕᖏᓱᓂᓗ ᖁᕕᐊᓲᑎᖃᕐᓗᓂ.
ᓄᓕᐊᔪᖅ ᓴᓇᐅᒐᖅ
ᕿᑎᐊᓂ, ᓄᓕᐊᔫᑉ ᓄᔭᖏᑦ ᐃᓪᓓᑕᐅᓗᑎᒃ ᐃᕙᓗᑦᑕᐅᓗᑎᓗ ᓭᒻᒪᓴᕐᑕᐅᓗᓂ.
ᓄᔭᕐᐱᓂᑯᐃᑦ ᓇᓗᓀᕐᓯᕗᑦ ᓭᒻᒪᓴᕐᓂᖓ ᐱᕙᓪᓕᐊᕗᖅ.
Location
Sir George Williams Campus
Hall Terrace, Henry F. Hall Building
1455 De Maisonneuve Boulevard West
Jason Sikoak
ᓴᓇᖕᖑᐊᑎᐅᑉ ᑭᓇᐅᓂᖓ
ᓯᖁᐊᖅ ᐃᓅᑦᓱᓂ ᑭᖑᕚᕆᔭᐅᔪᖅ ᕆᒍᓚᑦ, ᓄᓇᑦᓯᐊᕗᑦ (ᓛᐸᑐᐊ). ᒫᓐᓇ Concordia-ᒥ MFA-ᒧᑦ ᓂᕈᐊᕋᑦᓴᐅᕗᖅ, ᐊᓕᒎᔭᓄᑦ ᐱᖁᑎᓄᓪᓗ ᐊᑐᕐᑕᐅᕙᑦᑐᓄᑦ, ᓯᖁᐊᖅ ᐱᓯᒪᒋᕗᖅ BFA-ᒥᒃ ᓴᓇᖕᖑᐊᓂᕐᒧᑦ ᐅᓂᒃᑲᐅᓯᖏᓐᓄᓗ (ᐃᓕᓵᕆᔭᐅᓯᒪᑦᓱᐊᓗᓂ) Concordia ᐃᓕᓴᕐᕕᐊᓗᖓᓂ ᐊᓪᓓᑦ ᓄᓇᖓᓂ Tiohtià:ke (ᒪᓐᑐᔨᐊᓪ-ᒥ).
ᓴᓇᖕᖑᐊᑕᖏᑦ ᐊᓪᓚᑕᖏᓪᓗ ᐊᒥᓱᕈᕐᑎᑕᐅᕙᑉᐳᑦ ᓴᓇᖕᖑᐊᓂᕐᒧᑦ ᕿᒥᕐᕈᐊᒐᕐᓂᑦ, ᐊᒻᒪᓗ ᐊᑯᓂᐊᓗ ᐃᓕᔭᐅᕋᓱᓕᕐᓱᑎᒃ ᓵᓚᖃᐅᑎᓄᑦ Sobey Art Award, (2024-ᒥ) ᓄᑖᒥ ᓴᕐᕿᑕᐅᓵᕐᑐᒥ ᐅᑭᐅᕐᑕᑑᕐᒥᐅᑦ ᐃᓕᑕᕐᓇᐅᑎᖏᓐᓄᑦ.
ᐊᑦᔨᒌᖕᖏᑐᓂᒃ ᓴᓇᖕᖑᐊᓯᒪᔭᖏᑦ ᑕᑯᑦᓴᐅᑎᑕᐅᖃᑦᑕᓯᒪᕗᑦ ᓴᓂᕈᓗᑐᐃᓐᓇᖅ ᑲᓇᑕᒥ ᓄᓇᕐᔪᐊᓕᒫᒥᓪᓗ, ᒪᕐᕉᓂᒃ ᑮᓇᐅᔭᓂᒃ ᓴᓇᓯᒪᓕᕐᓱᓂ Royal Canadian Mint-ᑯᓐᓄᑦ.
