Concordia University

http://www.concordia.ca/content/shared/en/news/main/stories/2018/07/19/tillitarniit-festival-brings-inuit-food-language-and-culture-to-concordia-inuktitut-version.html

ᑎᓪᓕᑕᕐᓃᑦ ᖁᕕᐊᓱᒍᑕᐅᓂᖅ ᑐᓂᓯᕗᖅ ᐃᓄᐃᑦ ᓂᕿᖏᓐᓂ, ᐅᖃᐅᓯᕐᒥ ᐊᒻᒪ ᐃᓕᖅᑯᓯᖓᓐᓂ ᑲᓐᑯᐊᑎᐊᒧᑦ

ᐋᒍᔅᑎ 2-4: ᓯᓚᒥ ᖃᑎᙵᓂᐅᓂᐊᖅᑐᖅ ᓴᖅᑭᔮᖅᑎᑦᑎᓂᐊᖅᐳᖅ ᑎᑕᖕᓂᐅᔪᓂ ᖁᙱᐊᖅᑕᐅᓂᐅᔪᓂ, ᐱᙳᐊᕐᓂᕐᓂ, ᑕᕐᕆᔭᓕᐊᓂᑦ, ᑎᑎᕋᐅᔭᖅᑕᐅᓯᒪᔪᓂ ᐊᒻᒪ ᐊᒥᓱᒃᑲᓐᓂᕐᓂ
July 19, 2018
|
By ᐋᓯ ᒥᓴᓕᓐᒧᑦ

Atanarjuat (The Fast Runner), film still, 2001. |  Image courtesy of NFB. Atanarjuat (The Fast Runner), film still, 2001. | Image courtesy of NFB.


ᐆᒻᒪᑎᖓᓐᓂ ᐃᓕᖅᑯᓯᐅᔪᒥ ᐅᓂᒃᑳᖅᑐᐊᓂ ᐅᓂᒃᑳᖅᐸᒃᑕᑦᑎᓐᓂ. ᐋᖅᑭᒃᓱᐃᕗᑦ ᓄᓇᕐᔪᐊᑦᑎᓐᓂ, ᐃᓕᓯᕗᑦ ᐱᓐᓇᕆᔭᑦᑎᓐᓂ ᐊᒻᒪ ᑐᓂᓯᓪᓗᓂ ᖃᐅᔨᒪᓂᑦᑎᓐᓂ ᐊᑕᐅᓯᕐᒥ ᐃᓅᖃᑎᒌᖑᔪᓄᑦ ᑎᑭᑉᐸᓪᓕᐊᔪᓄᑦ ᐃᓅᖃᑎᒌᖑᔪᓄᑦ. ᓴᙱᓂᐅᔪᒥ ᐅᓂᒃᑳᖅᑐᐊᓂ, ᐃᓄᐃᑦ ᐃᓕᑦᑎᔪᓐᓇᖅᐳᑦ ᐊᔾᔨᒌᖕᓂᐅᔪᓂ ᐊᒻᒪ ᐊᔾᔨᒌᙱᓐᓂᐅᔪᓂᑦ ᓄᓇᕐᔪᐊᖑᔪᓄᑦ ᐊᒻᒪ ᑕᐃᒃᑯᓄᖓ ᖃᓂᒋᔭᖏᓐᓄᑦ.

ᐅᓂᒃᑳᖅᑐᐊᕐᓂᖅ ᐆᒻᒪᑎᒋᔭᐅᕗᖅ ᑎᓕᑦᑕᕐᓃᑦ ᖁᕕᐊᓲᑎᒋᔭᖏᓐᓄᑦ. ᒫᓐᓇ ᐊᕐᕌᒍᖓᓂ ᐱᖓᔪᖓᓐᓂ, ᐊᕐᕌᒍᑕᒫᒥ ᖃᓄᐃᓕᐅᕐᓂᐅᔪᖅ ᐃᓐᓇᕈᖅᐹᓪᓕᖅᓯᒪᕗᖅ ᐃᓄᐃᑦ ᑕᕐᕆᔭᓕᐊᖓᓐᓂ ᖁᕕᐊᓱᒍᑕᐅᔪᒥ ᐊᖏᓂᖅᓴᒻᒪᕆᐅᔪᒧᑦ ᓴᓇᐅᒐᓄᑦ ᖁᕕᐊᓱᒍᑕᐅᔪᒧᑦ ᖁᕕᐊᓲᑎᖃᖅᑐᓂ ᐃᓄᐃᑦ ᐅᓂᒃᑳᖅᑐᐊᖏᓐᓂ,

“ᑲᒪᓇᖅᑑᕗᖅ ᐃᒃᐱᒍᓱᖕᓂᕐᒥ ᑕᑯᓪᓗᒍ ᑎᓪᓕᑕᕐᓃᑦ ᐱᕈᖅᐸᓪᓕᐊᓂᖓᓂ,“ ᐅᖃᓚᐅᖅᐳᖅ ᐊᓯᓐᓇᔭᖅ, ᖁᕕᐊᓱᒍᑎᒋᔭᐅᔪᒥ ᐅᖃᖅᑎᖓ.

“ᐱᔭᕆᐊᖃᕐᓂᕆᓚᐅᖅᐸᕗᑦ ᐊᒻᒪ ᒫᓐᓇ ᐅᕙᓃᓕᖅᐳᖅ. ᑲᒪᓇᖅᑐᖅᑕᖃᖅᐳᖅ ᖄᖏᖅᓯᓪᓗᓂ ᑕᐃᒪᐃᑦᑐᒐᓚᖕᒥ ᑕᒫᓃᒐᔪᙱᑦᑐᒥ.”

ᖁᕕᐊᓱᒍᑕᐅᔪᖅ ᐱᓕᕆᐊᖑᕙᒃᐳᖅ ᐋᒍᔅᑎᒥ ᑲᓐᑯᐊᑎᐊᒥ ᕘᕙ ᑕᑯᓐᓇᒐᕐᕕᖃᖓᓂ ᑯᐊᑦᔮᑦᒥ, ᑕᐃᑲᙵᑦ ᐱᓕᕆᓂᖃᐅᖅᑐᒥ ᓴᐃᓐᑦ ᑳᑕᕆ ᐊᖅᑯᑎᖓᓐᓂ ᐃᓄᖕᓄᑦ ᐱᓱᒡᕕᖓᓂ, ᖄᖏᖅᐸᓪᓕᐊᔪᑦ ᖃᓄᐃᑦᑐᑐᐃᓐᓇᓂ ᑕᑯᔪᓐᓇᖅᑐᓂ ᐃᓄᐃᑦ ᐃᓕᖅᑯᓯᖓᓐᓂ.
 

Shaman (film still), 2017. | Image courtesy of the National Film Board of Canada. Shaman (film still), 2017. | Image courtesy of the National Film Board of Canada.


ᐃᓄᖕᓄᑦ ᒪᓐᑐᕆᐊᒥ, ᖃᓄᐃᓐᓂᐅᔪᖅ ᓱᒃᑲᔪᒥ ᐊᑯᓂᒋᔭᐅᖃᑦᑕᓕᖅᐳᖅ ᑎᑭᐅᑎᓲᖑᖕᒪᑦ ᐃᓄᐃᑦ ᓂᕿᖏᓐᓂ, ᐅᖃᐅᓯᕐᒥ ᐊᒻᒪ ᐃᓕᖅᑯᓯᐅᔪᒥ ᓄᓇᓕᖅᐸᐅᔪᒧᑦ.

“ᑎᓕᑦᑕᕐᓃᑦ ᐱᕕᒃᓴᖃᕐᓂᐅᕗᖅ (ᖃᓪᓗᓈᓄᑦ) ᐃᓄᖕᓄᑦ ᓄᖅᑲᓚᐅᑲᖕᓂᖏᓐᓂ ᐊᒻᒪ ᐅᕙᑦᑎᓐᓂ ᖃᐅᔨᒋᐊᒃᑲᓐᓂᒐᓛᒡᓗᑎᒃ,“ ᐅᖃᓚᐅᖅᐳᖅ ᐊᓯᓐᓇᔭᖅ.

“ᐱᒻᒪᕆᐅᖏᓐᓇᐅᔭᖅᐳᖅ ᐃᖅᑲᐅᒪᓂᕐᒧᑦ ᐃᓅᓪᓗᑕ, ᓄᓇᓕᖅᐸᐅᔭᕐᒥᐅᑕᐅᒋᕗᒍᑦ - ᒪᓐᑐᕆᐊᒥ ᐃᓚᒋᔭᐅᒋᕗᒍᑦ - ᐊᒻᒪ ᐅᕙᓃᑉᐳᒍᑦ ᐊᒻᒪ ᒫᓐᓇᓕᓴᐅᓂᐅᕗᒍᑦ.“

ᑕᒪᑐᒪ ᐊᕐᕌᒍᒥ ᖁᕕᐊᓱᒍᑕᐅᔪᖅ ᑕᑯᒃᓴᐅᑎᑦᑎᕗᖅ ᐃᓕᓴᐱ ᐃᓄᒃᐳᖕᒥ, ᑕᖅᑭᓕᒫᒥ ᑕᑯᒃᓴᐅᑎᑦᑎᓂᐅᔪᒥ ᐃᓄᐃᑦ ᕿᑐᙵᐅᔭᖏᓐᓂ ᐊᒻᒪ ᐅᓂᒃᑳᖅᑐᐊᓂ, ᐊᒻᒪᓗᑦᑕᐅᖅ ᑎᑕᒃᑐᓂ ᖁᙱᐊᖅᑕᐅᓂᐅᔪᓂ, ᐃᓄᐃᑦ ᐱᙳᐊᕈᓯᖏᓐᓂ, ᐱᖅᑯᓯᑐᖃᖅᑎᒍᑦ ᓂᕿᓂᑦ, ᐅᓂᒃᑳᖅᑐᐊᕐᓂᕐᒥ ᐊᒻᒪ ᑕᕐᕆᔭᓕᐊᖑᔪᓂᑦ ᓴᓇᔭᐅᔪᓂ ᐃᓄᖕᓄᑦ.

ᑕᐅᑐᒃᑕᑐᐊᖃᑲᐃᓐᓇᖅᑐᒥ ᐅᓂᒃᑳᖅᑐᐊᓂ ᐃᓄᐃᑦ ᐅᓂᒃᑳᖅᓯᒪᔭᖏᓐᓂ ᐊᕐᕌᒍᒐᓵᓗᖕᓄᑦ ᐊᒻᒪ ᖃᓄᖅ ᐅᓪᓗᒥ ᐃᓄᖕᓄᑦ ᓴᓇᔪᓕᕆᔨᐅᔪᑦ, ᐅᓂᒃᑳᖅᑎᐅᔪᑦ ᐊᒻᒪ ᑕᕐᕆᔭᓕᐅᖅᑎᓂ ᑐᑭᓕᐅᕆᒃᑲᓐᓂᖅᐸᖕᓂᖏᓐᓂ.
 

Kablunât (film still), 2016. | Image courtesy of the artist. Kablunât (film still), 2016. | Image courtesy of the artist.


“ᐱᒻᒪᕆᐅᓂᐅᕗᑦ ᐅᑯᓇᓂ ᐅᓂᒃᑲᖅᑐᐊᓂ ᑐᑭᖃᒐᓚᓲᖑᓂᖏᓐᓂ ᐃᓗᐊᓂ ᐱᒻᒪᕆᐅᓚᐅᖅᑐᒥ ᑐᓂᓯᓂᕐᒧᑦ. ᐱᒻᒪᕆᐅᕗᖅ ᐅᖃᐅᓯᕆᔭᐅᖏᓐᓇᖅᐸᖕᓂᖏᓐᓂ ᐲᓐᓇᖃᑦᑕᕐᓂᐊᕋᑦᑕ ᖃᐅᔨᒪᓂᕐᔪᐊᖑᔪᒥ,“ ᐅᖃᓚᐅᖅᐳᖅ ᐊᓯᓐᓇᔭᖅ.

“ᐱᒻᒪᕆᐅᖏᓐᓇᐅᔭᖅᐳᖅ ᑲᓱᖅᑎᓂᖃᐃᓐᓇᐅᔭᕐᓗᑕ ᐊᒻᒪ ᕿᓚᒃᓯᒪᓂᐅᔪᒥ ᓯᕗᓪᓕᑦᑎᓐᓂ ᐊᒻᒪᓗ ᑭᖑᕚᕆᔭᕗᑦ ᑲᓱᖅᑎᕐᒥᖃᕐᓂᖏᓐᓂᑦᑕᐅᖅ.“

ᒐᓚᓐ ᒋᐅᕐ ᓛᐸᑐᐊᒥᐅᑕᐅᓪᓗᓂ ᐃᓅᕗᖅ ᑎᑎᕋᖅᑕᐅᓂᑯᓂ ᐊᐅᓚᔪᓐᓇᖅᑎᑦᑎᓲᒥ ᓴᓇᓚᐅᖅᑐᒥ ᑕᖅᓴᖃᐅᖅᑐᓄᑦ ᑎᑎᕋᐅᔭᒐᓂ ᖁᕕᐊᓱᒍᑕᐅᔫᑉ ᐊᐅᓚᖁᑎᖓᓐᓄᑦ. ᑕᕐᕆᔭᓕᐊᖓ, ᑲᑉᓗᓈᑦ, ᐊᑐᓲᖑᕗᖅ ᑕᐃᔅᓱᒪᓂᑐᖃᕐᒥ ᐊᒻᒪ ᑐᖅᑯᖅᑕᐅᓯᒪᔪᓄᑦ ᐊᔾᔨᓕᐊᓂᑦ ᐃᓄᖕᓂ ᑐᑭᓕᐅᕈᑕᐅᒃᑲᓐᓂᕐᓂᐊᕐᓗᑎᒃ ᐊᒻᒪ ᒫᓐᓇᒨᓕᖓᓕᖅᑎᑕᐅᓗᑎᒃ ᓛᐸᑐᐊᒥ ᐃᓄᖕᓄᑦ ᓴᓇᔭᐅᓂᖏᓐᓄᑦ ᐅᓂᒃᑳᖅᑐᐊᒥ ᓇᑭᙶᕐᓂᖏᓐᓂ ᖃᓪᓗᓈᓂᑦ. ᖁᕕᐊᓱᒍᑕᐅᔪᒧᐊᖅᑐᑦ ᖁᙱᐊᕈᓐᓇᖅᐳᑦ ᑕᕐᕆ.ᓕᐊᒥ ᐋᒍᔅᑎ 2-ᖑᓕᖅᐸᑦ.

“ᐱᒻᒪᕆᐅᔪᒥ ᐃᓚᒋᔭᐅᔪᒥ ᑕᒪᕐᒥᒐᓚᖕᓂ ᐱᓕᕆᐊᕆᕙᒃᑕᓐᓂ ᐋᖅᑭᒃᓱᐃᕙᓪᓕᐊᖏᓐᓇᐅᔭᕋᒪ ᐃᓚᒐᓛᖏᓐᓂ ᑕᐃᔅᓱᒪᓂᐅᓚᐅᖅᑐᓂ ᐊᒻᒪ ᐋᖅᑭᒋᐊᒃ ᑲᓐᓂᖅᐸᒃᖢᒋᑦ ᐊᒻᒪ ᑐᑭᓯᓪᓗᒋᑦ ᐃᓱᒪᒋᔭᓐᓂ ᑕᑯᓂᕆᔭᓐᓂᑦ,“ ᐅᓂᒃᑳᖅᐳᖅ ᒋᐅᕐ.

“ᑕᐃᔅᓱᒪᓂᑐᖃᐅᓚᐅᖅᑐᒥ ᐊᒻᒪ ᑐᖅᑯᖅᑕᐅᓯᒪᓂᐅᔪᑦ ᐊᓕᒎᑉ ᑐᓄᐊᓃᑐᐃᓐᓇᓪᓗᐊᙱᓚᑦ ᐊᒻᒪ ᐋᖅᑭᒃᓯᒪᐃᓐᓇᕐᓗᑎᒃ ᓯᓚᑐᐃᓐᓇᒥ ᐊᒻᒪ ᖃᖓᐅᓚᐅᖅᑐᒥ. ᐃᓕᖅᑯᓯᒧᑦ ᐊᑑᑎᖃᐃᓐᓇᐅᔭᖅᐳᖅ. ᐋᖅᑭᒋᐊᑦᑎᐊᒃᑲᓐᓂᕐᓗᒋᑦ ᐊᒻᒪ ᑐᑭᓯᓗᒋᑦ ᓄᑖᖑᓂᐅᔪᒥ, ᐃᓕᑦᑎᕙᓪᓕᐊᖏᓐᓇᖅᐳᒍᑦ ᓄᑖᖑᓂᐅᔪᓂ ᑕᐃᔅᓱᒪᓂᐅᓚᐅᖅᑑᑉ ᒥᒃᓴᓄᑦ. ᐃᓚᒋᖃᑕᐅᔭᖓ ᐃᓚᓕᐅᔾᔨᓂᕐᒧᑦ ᓂᐸᐃᖅᑎᑕᐅᓂᑯᓂ ᓂᐱᓂᑦ ᑕᐃᔅᓱᒪᓂᐅᓚᐅᖅᑐᒧᑦ ᐊᒻᒪ ᑐᑭᓯᐊᒪᓂᕐᒧᑦ.“



ᑎᓪᓕᑕᕐᓃᑦ ᐃᓄᐃᑦ ᓴᓇᐅᒐᖏᓐᓄᑦ ᖁᕕᐊᓱᒍᑕᐅᓂᐅᔪᖅ ᐱᓕᕆᐊᖑᓂᐊᖅᐳᖅ ᐋᒍᔅᑎ 2-ᒥ – 4-ᒧᑦ ᕘᕙ ᑕᑯᓐᓇᒐᖃᕐᕕᖓᓐᓂ ᑯᐊᑦᔮᑦᒥ. ᐃᓯᕈᑖ ᐊᑭᖃᙱᓚᖅ ᐊᒻᒪ ᑭᓇᓕᒫᑦ ᑐᙵᓱᒃᐳᑦ, ᐃᓕᓴᐱ ᐃᓄᒃᐳᒃ ᐊᐅᓚᓂᖃᕐᓂᐊᖅᐳᖅ ᔪᓚᐃ 16-ᒥ ᐋᒍᔅᑎ 17-ᒧᑦ, ᑐᙵᓵᕆᓂᖃᕐᓗᓂ 1-4 ᐅᓐᓄᓴᒃᑯᑦ ᔪᓚᐃ 21-ᒥ ᕘᕙ ᑕᑯᓐᓇᒐᖃᕐᕕᖓᓐᓂ (1515 Ste. Catherine St. W.)​.

 



Back to top

© Concordia University